Målaren Charles W. Strøm vart fødd 20. juli 1886 i Kristiania. Han var elev av Christian Krogh på Statens Kunstakademi 1910 -1913. Han debutera på Høstustillingen i 1911, og hadde si fyrste separatutstilling på Kunstnerforbundet i 1916.

”Chas” Strøm kom til Telemark i 20-åra. Han spesialiserte seg i typisk stabbursmåleri frå Flatdal, Hjartdal og omkringliggjande bygdestrok. Han var med å stifte Unge kunstneres samfunn (UKS) i 1921. Trass i ein svært lovande debut blei Strøm aldri noko stor stjerne i kunsthistoria, men han må kunna kallast Flatdalskunstnaranes grand old man. Ifylgje Norsk kunstnarleksikon blei han sett på som “en fin men litt innsmigrende kolorist”. Dei beste bileta hans står blant dei finaste frå området. Og alle legg for dagen ein stor respekt for motivet.

Siste kvelden han levde, reiste han seg halvvegs opp i sjukesenga, peika opp i taket og braut ut: “Se-er du alle bildene mine? Er de ikke fine?”