Kurset er ein del av Den Kulturelle Skolesekken sitt til bod til skuleelevar.

Sjøvportrett i tresnitt laga av elevar på DKS-kurs

Portrett

Er ein sjanger innan teikne- og målarkunst, finst også innanfor fotografi, der kunstnaren portretterer seg sjølv. Det blei ein ikkje uvanleg aktivitet frå omkring 1500-talet, og blir framleis dyrka av enkelte kunstnarar.

Sjølvportretta kan variere frå enkle strekteikningar til forseggjorde ateliermåleri. Nokre kunstnarar har satsa på stemningsskildring meir enn på portrettlikskap – men dei fleste inneheld element som gjer dei gjenkjennelege for andre.

Tresnitt

Tresnittet blei utvikla i mellomalderen som ein metode for å masseprodusere tekst og bilete. Metoden går ut på å skjere snitt i ei flat og jamn treplate. Når ein etterpå legg farge på treplata og trykker dette på eit ark, blir områda som ein skar bort ståande utan farge. Kurset går føre seg i grafikaren Terje Grøstads atelier. Grøstad var ein av landets fremste representantar for denne kunstforma, og trykkpressa som blir nytta i kurset, den såkalla Flatdalspressa blei teikna av Grøstad og produsera i Flatdal frå 1960-talet og utover.

Tradisjonshandtverk

Telemark er kjent for sine mange gamle trebygg frå mellomalderen og framover, og dei gamle handverkstradisjonane rundt trearbeid er sentrale i å ta vare på denne bygningsarven. I dette kurset handlar det om den tradisjonelle måten å laga dekorative profilar på trelister. Slike høvla profilar finn ein rundt vindaugs- og dørkarmar, langs bjølkar, på bordkantar og andre møblar. Og sjølvsagt på biletrammer.

Litt om staden

Nutheim Gjestgiveri er kjent som kunstnarhotellet i Telemark. Det har vore ein base for kunstnarar i over hundre år. Kurset går føre seg i miljøet rundt Nutheim. På nedsida av gjestgiveriet ligg det store atelieret, der vi tar for oss sjølportrettet i tresnitteknikk. På oversida av gjestgiveriet ligg Håkon Telnes Fjågesunds verkstad, der vi lagar rammene. Lunsjen blir servert på gjestgiveriet.