Stor interesse for “Streif langs Sogevegen”
Laurdag 27. mai invitera Nutheim Kunstsenter til utstilingsopning med bokbad og song. Været var ikkje det beste, men publikum kosa seg likevel. Etter arrangementet var spisesalen i det gamle gjestgiveriet på Nutheim full av folk som blei mette både på mat og kulturelt påfyll.
Dei to forfattarane av boka Streif langs Sogevegen vart bada av Grete Hald. Hald varkunstnarisk konsulent for prosjektet Sogevegen om Nutheim og fekk Hans K.B. Hansen og Ånond Versto til å fortelje korleis dei fann stoff til turguiden og boka Streif langs Sogevegen. Det var litt småhumring blant publikum då me høyrde om ein kar i frå Åmotsdal som ikkje vissta at han var hjulbeint før han vart måla av ein av kunstnarane som budde mykje på Nuhtiem på 30-talet.
Me vart ynskd velkomen av vertinnene Ellen og Solveig Barstad som er tredje og fjerde generasjon drivarar av Nutheim Gjestgiveri. Line Ruud Ørslien frå Vestfold og Telemark Fylkeskommune opna utstillinga og takka for ei interessant og givande tid i arbeidet med prosjektet Sogevegen om Nutheim.
Kjellargalleriet er også ein del av utstillinga. Her ser me verk frå kunstnarar som har vore med å utsmykke langs Sogevegen om Nutheim.
Før publikum fekk varmen att inni dei tettpakka utstillingsromma, kjende me på varmen frå kevedinga til Ingvill Buen Garnås frå Kulturlandskapssenteret som fortalte at gamal kunnskap om kva for vekster som er farlege og kven ein kan ete har vore formidla gjennom song i frå gamalt av.
Takk til alle som kom på utstillingsopninga! Me vonar de kjem attende på finnisagen 6. august!
